Проект «Лица кавказской национальности» æххæст кæнгæйæ, арæзт æрцыдысты дæсныйадæвдисæг ахуыртæ ирон кæрдзынтæ кæнынæй
Республикæйы алы къабæзты зындгонд архайджытæ Цæгат Кавказы регионтæй уазджыты ахуыр кæнынц ирон хæринæгтæ кæнын, æмæ сæ зонгæ кæнынц Ирыстоны зæрдылдарæн бынæттимæ. Проект «Лица кавказской национальности» æххæст кæнгæйæ, арæзт æрцыдысты дæсныйадæвдисæг ахуыртæ ирон кæрдзынтæ кæнынæй. Скодта сæ Цæгат Ирыстоны адæмон артисткæ Хекъилаты Мирæ. Ахуырты архайджытæн радзырдта ирон традициты тыххæй. Проект æххæстгонд цæуы культурон хъæппæристы Президентон фонды, стæй Кавказы бæрнон министрадты æмæ ведомствоты æххуысæй. Зæгъдзыстæм ма уый дæр, æмæ проекты архайынц 16 адæймаджы. Сты Цæгат кавказы федералон зылды регионты минæвæрттæ. Се ппæтæн дæр æхсызгон уыд ирон чъиритæ кæныны сусæгдзинæдтæ базонын.