Уагдæтты ацы аз алывæрсыг æххуыс кæнын райдыдтой сæрмагонд æфсæддон операцийы архайджытæн æмæ сæ бинонтæн
Республикæйы фæллойы æмæ социалон рæзты министр Айдарты Алинæ бабæрæг кодта санаторитæ «Осетия» æмæ «Сосновая роща». Уагдæтты ацы аз алывæрсыг æххуыс кæнын райдыдтой сæрмагонд æфсæддон операцийы архайджытæн æмæ сæ бинонтæн. Министр федта, санаториты цы уавæртæ ис, уый. Баззад сæ разыйæ. Уыимæ ис, бакусын кæуыл хъæуы, ахæм фарстатæ дæр.
Йе нкъарæнтæ Вера Карапетьянц фæллойы æмæ социалон рæзты министр Айдарты Алинæйæн дзуры процедурæйы рæстæг. Фæстаг 3 азы сылгоймаг афæдз 1 хатт йæхи фæдзæбæх кæны санаторий «Осетия»-йы. Тыхсын æй кæны йæ астæуыстæг, хъыгдарынц æй йе нуæрттæ дæр. Уагдоны исы æппæт хъæугæ процедурæты комплекс. Донæй дзæбæхгæнæн хайады гидромассажы хуызтæй иу у – сæрмагонд ваннæтæ. Сæ фæрцы хуыздæр кæнынц тугзилдух, микроциркуляци, зæрдæйы дадзинты тонус.
Санатори «Осетия»-йы льготæтæм гæсгæ се нæниздзинад фæдзæбæх кæнын сæ бон у фæллойы ветерантæн, алы къордты инвалидтæн, куысты бынаты хъыгдард чи баййæфта, уыдонæн. Ныр та ма – сæрмагонд æфсæддон операцийы архайджытæн æмæ сæ бинонтæн. Семæ кусдзысты мультидисциплинарон къордтæ. Уагдон алцæмæйдæр æххæст у. Дзæбæх кæныны æмæ реабилитацийы ахадгæйæ пайда кæнынц нырыккон методикæтæй æмæ ифтонггæрзтæй. Се *хсæн – фито-, гало-, электротерапия. Сæйрагдæр та – ам кусынц дæсны специалисттæ.
Ацы куыст кæнынæн алцæмæй æххæст сты санаторий «Сосновая роща»-йы дæр. Уый федта министр Айдарты Алинæ. Ныридæгæн дзы æххуыс кæнынц ацы категорийы адæмæн. Елена Андреевайæн йæ фырт фæмард фарон февралы сæрмагонд æфсæддон операцийы зонæйы. Уыд десантник. Ацы хъуыддаг, кæй зæгъын æй хъæуы, йе *нæниздзинадыл фæзынд. Уымæ гæсгæ йын радтой 12 бонмæ путевкæ санаторимæ.
Санаторимæ æрбацæугæйæ алы пациентмæ дæр æркæсынц специалисттæ æмæ сын саразынц реабилитацийы сæрмагонд пълан.
Æрвылаз ацы 2 санаторийы сæхи фæдзæбæх кæнынц æмæ реабилитаци райсынц алыхуызон льготæтæм гæсгæ мин адæймаджы онг.
Ис санаториты лыггæнинаг фарстатæ дæр. Сæрмагондæй сæ хъæуы баххæст кæнын лифттæй. Ныртæккæ министрад арвыста курдиат федералон центрмæ уагдæтты материалон-техникон бындур фæфидардæр кæнынæн.
