Мадзал арæзт æрцыд, «бинонты бирæвæрсыг центрты къуыри» æххæст кæнгæйæ
Республикæйы фæллойы æмæ социалон рæзты министр Айдарты Алинæ бинонты бирæвæрсыг центры фембæлд Цæгат Ирыстоны паддзахадон университеты социалон куысты факультеты студенттимæ. Мадзал арæзт æрцыд, «бинонты бирæвæрсыг центрты къуыри» æххæст кæнгæйæ. Проект арæзт у сæрмагондæй республикæйы цæрджыты социалон æххуысы хуызтимæ зонгæ кæнынимæ. Сæйрагдæр та, сывæллæтты чи хъомыл кæны, ахæм бинонтæн бирæвæрсыг центрты куысты тыххæй дзурынæн. Зонадон къуыри баст у бинонты афæдзимæ, æмæ арæзт цæуы Уæрæсейы æппæт регионты. Гом дуæртты боны уазджытæ базонгæ сты социалон къабазы специалистты, психологты æмæ паддзхадон юридикон бюройы кусджыты архайдимæ. Уымæй дарддæр ма райстой консультацитæ Социалон фонды специалисттæй æмæ фонд «Фыдыбæстæ хъахъхъæнджыты» кусджытæй.
