Конкурс цыди 11 номинацимæ гæсгæ, дыууæ къæпхæнæй: муниципалон æмæ регионалон
Республикон конкурс «Афæдзы ахуыргæнæджы» уæлахиздзауты æмæ призерты схорзæхджын кодтой Цæгат Ирыстоны Сæргълæууæг Сергей Меняйло, хицауады сæрдары хæдивæг Александр Реутов æмæ ахуырады æмæ наукæйы министр Алыбекты Эллæ. Конкурс цыди 11 номинацимæ гæсгæ, дыууæ къæпхæнæй: муниципалон æмæ регионалон. Афæдзы хуыздæр ахуыргæнæнджы ном райста Дзебысаты Анастасия, ахуырадон центр «Эрудит»-æй. Афæдзы зондамонæгыл банымадтой космонавтикæйы скъолайы директор Челдыты Зæлинæйы, афæдзы мастер та сси базарадон-экономикон колледжы ахуыргæнæг Анастасия Медведева. Номинаци «Педагогон дебют»-ы фæуæлахиз Дзæуджыхъæуы 25-æм скъолайы ахуыргæнæг Нурлана Мамедова. Къласы хуыздæр разамонæгыл банымадтой, Беслæны 8-æм скъолайы ахуыргæнæг Алæты Альбинæйы. Республикæйы Сæргълæууæг куыд загъта, афтæмæй ахуыргæнæджы куыст у зын, фæлæ тынг ахсджиаг. Адæймаг йæ хуыздæр миниуджытæ райсы ахуыргæнджыты удуæлдай фæллойы руаджы.
