02 апреля 2024, 12:04
Сæ социалон пенситæ фæфылдæр кодтой Цæгат Ирыстоны 14 мин адæймагæн
Социалон пенситæ æмæ фиддонтæ æрвылаз дæр индексацигонд æрцæуынц 1-æм апрелы
1-æм апрелæй фæстæмæ сæ социалон пенситæ фæфылдæр кодтой Цæгат Ирыстоны 14 мин адæймагæн. Бæстæйы та æмтгæй райсгæйæ 4 милуан адæймагæн. Социалон пенситæ æмæ фиддонтæ æрвылаз дæр индексацигонд æрцæуынц 1-æм апрелы. Ацы аз у 7,5%. Йæ бæрц ын хицауад снысан кæны Уæрæсейы пенсиисæджы ивгъуыд азы æппынкъаддæр цæрыны бæрц хынцгæйæ. Республикæйы пенсиисæджы æппынкъаддæр цæрыны бæрц у 11 мины 961 сомы. Индексацигонд пенситæ фиддзысты фæткмæ гæсгæ, загъта Уæрæсейы социалон фонды цæгатирыстойнаг хайады разамонæг Таболты Сергей.