Дзæуджыхъæуы гом кæнынц, курдиæттæ кæм исынц, ахæм уæлæмхасæн бынæттæ — хъусын кæны горæты администраци
«Сæ цæсгæмттæн сын бакæс». Фыдыбæстæйы Стыр хæсты Уæлахизы 79-æм бонмæ райдыдтой патриотон акцимæ цæттæ кæнын. Дзæуджыхъæуы гом кæнынц, курдиæттæ кæм исынц, ахæм уæлæмхасæн бынæттæ — хъусын кæны горæты администраци. Сæйраг офис ис Ватутины уынджы 17-æм хæдзары. Уымæй дарддæр курдиат бадæттæн ис Штыбы уынджы 2-æм хæдзары, Дзæуджыхъæуы администрацийы, бирæвæрсыг центрты филиалты Доваторы проспекты, Мичурины æмæ Цоколайы-фырты уынгты. Регистрацийы рæстæг хъуамæ курдиат бадæттæгмæ уа паспорт. Зæгъын æй хъæудзæн хæстоны ном, фыды ном æмæ мыггаг, йæ царды азтæ, стæй йæм хъуамæ уа йæ къам электрон кæнæ та гæххæттын хуызы. Курдиæттæ исынц 14 сахатæй 18 сахатмæ. Раздæр та Сергей Меняйло бауайдзæф кодта, акци чи аразы, уыцы бæрнон адæймæгтæн. Йæ фиппаинагмæ гæсгæ, адæм цалдæр сахатгай лæууынц рады, цæмæй курдиат бадæттой, уый тыххæй. Уый нымайгæйæ республикæйы разамонæг загъта, цæмæй байгом кæной уæлæмхасæн рудзгуытæ.
