Фæлхасадмæ цæстдарды цæгатирыстойнаг управленийы куыд фехъусын кодтой, афтæмæй ацы аз гæбыйы хæцтимæ дохтыры æххуысмæ бацыд 117 адæймаджы
Сæрды сарæх вæййынц гæбыты хæцтытæ. Ацы аз сезон райдыдта раздæр. Фæлхасадмæ цæстдарды цæгатирыстойнаг управленийы куыд фехъусын кодтой, афтæмæй ацы аз гæбыйы хæцтимæ дохтыры æххуысмæ бацыд 117 адæймаджы. Се хсæн – сывæллæттæ дæр. Цы кæнын хъæуы, знаггад хæссæг сысчъытæ адæймагыл куы фæхæцой, уæд, уый тыххæй радзурдзæн Тъехты Элинæ.
Сæрд куы ралæууы, уæд нын йемæ æрбахæссы æрмæст хуры тынтæ æмæ фæлладуадзæн бонтæ нæ, фæлæ ма лыстæг сысчъытæ дæр. Цæмæй адæмы ма хъыгдарой æмæ ма парахат кæной, уый тыххæй Дзæуджыхъæуы кусы дезинфекцион станцæ. Специалисттæ базилынц сывæллæтты хъазæн бынæттæм хæстæг цы парктæ ис, уыдонмæ. Химикаттæ адæймаджы æнæниздзинадæн знаг кæй хæссынц, уымæ гæсгæ дезинфекци кæнгæйæ уыцы бынатмæ хæстæг цæуæн нæй.
Адæймагыл гæбы куы фæхæца, уæд æй æнæмæнг æй хъæуы рынчындонмæ. Уымæн æмæ æххуыс цас тагъддæр райса, уыйас уыдзæн хуыздæр. Ацы аз гæбыйы хæцтимæ дохтырмæ бацыд 117 адæймаджы. Æмæ кæд гæбы адæймагмæ инфекци нæ бахæсса, уæддæр хъæуы сæрмагонд хостæ бануазын.
Цæгат Ирыстоны энцефалитон гæбытæ нæй, фæлæ уæддæр сæ бон расайын у низмæ, уымæ гæсгæ специалисттæ адæймагыл цы гæбы фæхæцы, уый арвитынц сæрмагонд лабораторимæ. Хатдзæгтæ фенынц сæрмагонд программæйы.
Гæбытæ æппæтæй арæхдæр вæййынц майы æмæ июны. Фæлæ бæрнон кусджыты цæстдарды хатдзæгтæм гæсгæ адæмыл фæхæцынц сентябры дæр. Специалисттæ куыд зæгъынц, афтæмæй хъæуы хи хъахъхъæнын æмæ афойнадыл дохтырмæ цæуын.
