Стыр ивддзинæдтæ ног ахуыры аз æрцæудзысты уæлдæр æмæ астæуккаг ахуырады къабазы
Сентябры Уæрæсейы сæ тыхы бацыдысты сæдæгай федералон закъоны, алы ведомствоты уагæвæрды æмæ бардзырды. Стыр ивддзинæдтæ ног ахуыры аз æрцæудзысты уæлдæр æмæ астæуккаг ахуырады къабазы. Афтæ 1-æм сентябрæй фæстæмæ нысангонд æрцыд ахуырады сызгъæрин стандарт. Уымæ гæсгæ Уæрæсейы рухстауынады Министрад сног кодта паддзахадон ахуырадон стандарттæ. Иу ногдзинад ма у уый æмæ райдиан æфсæддон цæттæдзинады модуль 1-æм сентябрæй фæстæмæ æнæмæнг хъæугæ домæн суыдзæн нæ бæстæйы æппæт скъолаты. Фæсурокты курс æххæст кæнгæйæ та, 10-æм æмæ 11-æм кълæсты ахуырдзауты ахуыр кæндзысты «Фыццаг æххуыс» кæнын: цæфтæ бæттын æмæ реанимацион мадзæлттæ аразын. Ногдзинæдтæ фæзындысты медицинæйы æмæ ветеринарийы къабæзты дæр. Уымæй дарддæр ивддзинæдтæ хаст æрцыдысты транспорты, бæлвырддæр та таксийы куысты. Уæдæ тамакойы æмæ карз нозты продукцийы зилдух дæр аивдзæн. Экспертты хъуыдымæ гæсгæ, сæ æргътæ дæр фæфылдæр уыдзысты. Бирæ ивддзинæдтæ æнхъæлмæ кæсынц цæрæнуæтты-коммуналон хæдзарады къабазы, стæй ма нымæцон къабазы, хъалонты, финансты, æмæ экологийы фарстаты.