02 февраля 2024, 12:01
Сергей Меняйло архайдта бинонты афæдз байгом кæныны кадджын мадзалы
Æрбахуыдтой йæм 300 адæймагæй фылдæры, республикæйы алы районты минæвæртты
Республикæйы Сæргълæууæг Сергей Меняйло архайдта бинонты афæдз байгом кæныны кадджын мадзалы. Ацыд Цæгат Ирыстоны паддзахадон академион театры. Æрбахуыдтой йæм 300 адæймагæй фылдæры, республикæйы алы районты минæвæртты. Се хсæн – бирæсывæллонджын бинонтæ, афæдзы хуыздæр бинонтæ æмæ афтæ дарддæр. Уазджытæн бацæттæ кодтой цымыдисаг концерт. 2024-æм азы бинонты афæдзæй снысан кодта бæстæйы Президент Владимир Путин. Йæ нысан – бинонты институт бахъахъхъæнынæн паддзахадон æххуыс дæттын, стæй бинонты традицион æгъдæуттæ фидардæр кæнын.