Регионы разамонæг сын ракодта тæфæрфæс, æмæ сын радта Лæгдзинады ордентæ
Цæгат Ирыстоны Сæргълæууæг Сергей Меняйло фембæлд, сæрмагонд æфсæддон операцийы зонæйы чи фæмард, уыцы хæстонты бинонтимæ. Регионы разамонæг сын ракодта тæфæрфæс, æмæ сын радта Лæгдзинады ордентæ. Уыдоны аккаг æфсæддонтæ, сæ амæлæты фæстæ, систы Уæрæсейы Президенты Указмæ гæсгæ. Се фсæддон хæс æххæст кæнгæйæ, тохы быдыры равдыстой лæгдзинад, хъæбатырдзинад æмæ ныфс. Сергей Меняйло ма загъта, нæ республикæ дарддæр кæй æххуыс кæндзæн хæстонты бинонтæн алы фарстатæ лыг кæнынæн. Мадзалы ма архайдтой фæллойы æмæ социалон рæзты министр Айдарты Алинæ, республикæйы æфсæддон комиссар Владимир Скоморох, стæй сæрмагонд æфсæддон операцийы архайджытæн паддзахадон æххуысы Фонд «Фыдыбæстæ хъахъхъæнджыты» республикон филиалы директор Хетæгкаты Маринæ.