Олимпиадæ баст у æвзарæн бартимæ æмæ æвзарæн процессимæ
РЦИ-А-йы сæргълæууæг Сергей Меняйло фембæлд скъоладзауты æппæтуæрæсеон олимпиадæ «Софиум»-ы лауреаттимæ. Олимпиадæ баст у æвзарæн бартимæ æмæ æвзарæн процессимæ. Мадзалы рахайдта Цæгат Ирыстоны центрон æвзарæн къамисы сæрдар Моргуаты Жаннæ. Олимпиадæйы уæлахиздзаутæ æмæ призертæ уыдысты 40 ахуырдзауы. Се хсæн – Цæгат Ирыстоны скъоладзаутæ дæр. Уæлахиздзаутæй иу у республикæйы физикон–математикон лицей–интернаты 11-æм къласы ахуырдзау Георгий Миронов. Призер та – Дзæуджыхъæуы 5-æм гимназы 11-æм къласы ахуырдзау Моргуаты Азæмæт. Уымæй уæлдай Сергей Меняйло раарфæ кодта æппæтуæрæсеон конкурс «Учимся выбирать» номинаци «Электронный электорат»-ы уæлахиздзау Гуыриаты Дианæйæн дæр. Конкурс сарæзта уæгъдибар æвзæрстыты Уæрæсейаг фонд. Баххуыс ын кодта Уæрæсейы центрон æвзарæн къамис. Конкурсы архайджытæ уыдысты фæсивæдон æвзарæн къамисы æмæ æхсæнадон волонтерон организациты минæвæрттæ. Финалмæ рацыдысты 56 скъоладзауы бæстæйы 33 субъектæй. Цæгат Ирыстоны сæргълæууæг раарфæ кодта фæсивæдæн, федералон конкурсы нын нæ республикæйы кад кæй бахъахъхъæдтой, уый тыххæй. Олимпиадæ «Софиум» арæзт цæуы 2019-æм азæй фæстæмæ. Ацы аз дзы архайдтой 12 мины хистæркъласоны нæ бæстæйы 85 регионтæй. Конкурс райдыдта 2022-æм азы, 1-æм ноябры æмæ ацыд дыууæ къæпхæнæй. Фыццаг – регионалон, дыккаг та – федералон. Олимпиадæйы сæйраг саразæг у УФ-йы центрон æвзарæн къамис. Мадзалы сæйраг хæс – ахуырдзауты курдиат раиртасын æмæ йыл кусын.
