филиал вгтрк государственная телерадиовещательная компания “Алания”

Сергей Меняйло фембæлд Турчы цæрæг ирон диаспорæйы минæвæрттимæ. Делегацийы сæргъы ис Хъуысаты Садреттин. Турчы ирон æхсæнадимæ нæ республикæ æнгом æмархайд кæны бирæ азты дæргъы. Регионы разамонæг сын ракодта зæрдиаг арфæтæ, сæ фыдыбæстæйæ дард уæвгæйæ, ирон æвзаг æмæ национ традицитæ кæй нæ рох кæнынц, уый тыххæй. Хъуысаты Садреттин дæр загъта бузныг Цæгат Ирыстоны сæргълæууæгæн, йæ аудындзинады æмæ хæларзæрдæ ахасты тыххæй Турчы цæрæг ирæттæм. Уымæй дарддæр ма радзырдта, диаспорæ ирон æвзаг æмæ культурæ бахъахъхъæнынæн цавæр куыст кæны, уый тыххæй. Уыимæ сконд хъуыддæгтыл æрлæууынмæ нæ хъавынц, фæнд кæнынц æмгуыстады ног фæзтæ гом кæнын дæр.