Республикæйы разамонæг куыд загъта, афтæмæй национ гвардийы уæнгтыл ис стыр уаргъ æвæрд, æмæ сæ хæстæ æххæст кæнынц уæлдæр профессионалон æмвæзадыл
Республикæйы Сæргълæууæг Сергей Меняйло сæ профессионалон боны фæдыл арфæ ракодта Уæрæсейы гвардийы цæгатирыстойнаг управленийы кусджытæн. Республикæйы разамонæг куыд загъта, афтæмæй национ гвардийы уæнгтыл ис стыр уаргъ æвæрд, æмæ сæ хæстæ æххæст кæнынц уæлдæр профессионалон æмвæзадыл. Ныртæккæйы зын рæстæджыты архайынц æхсæнадон фæтк хъахъхъæныныл, тох кæнынц фыдракæндтимæ, уыимæ ма æнтыстджынæй архайынц сæрмагонд æфсæддон операцийы дæр. Сергей Меняйло фидарæй загъта, национ гвардийы куыстæй разы кæй у, уый. Йæ бæрны адæмæн бузныджы ныхæстæ загъта службæйы разамонæг Валерий Голота дæр. Куыд бафиппайдта, афтæмæй кæд Уæрæсейы гварди барадхъахъхъæнæг оргæнты дæлхайæдтæй æрыгондæртæй иу у, уæддæр абон æвдисы иттæг хорз бæрæггæнæнтæ. Службæйы хуыздæр æнтыстдзинæдтæ кæмæн ис, уыдоны фембæлды кæронбæттæн схорзæхджын кодтой паддзахадон хæрзиуджытæй.
