Ныхасы архайдтой Цæгат Ирыстоны ахуырад æмæ наукæйы министр Алыбекты Эллæ æмæ ЦИПУ-йы ректор Огъуаты Алан
РЦИ-А сæргълæууæг Сергей Меняйлойæн кусæг фембæлд уыди Национ иртæстыты университет «Экономикæйы уæлдæр скъола»-йы секретарь Никита Анисимовимæ. Ныхасы архайдтой Цæгат Ирыстоны ахуырад æмæ наукæйы министр Алыбекты Эллæ æмæ ЦИПУ-йы ректор Огъуаты Алан. Национ иртæстыты университет æмæ Цæгат Ирыстоны университет æмгуыстады бадзырд бафыстой ахуырады æмæ наукæй къабазы. Йæ фæлгæты æххæстгонд цæудзысты иумæйаг ахуырадон программæтæ, ахуыргæнджыты дæсныйад уæлдæр кæныны, стæй студентты æмæ аспирантты стажировкæйы фарстатæ. Уымæй уæлдай, æргом здæхт æрцæудзæн дизайны къабазы, æрхъуыдыгонд интеллекты, социологийы, археологийы, скæсæйнаг æмæ африкæйаг бæстæтæ иртасыны къабæзтæм. Сергей Меняйло куыд загъта, афтæмæй Цæгат Ирыстоны уæлдæр ахуырады хæрзхъæддзинадыл æмгуыстады бадзырд фæзындзæн хорзырдæм. Студенттæн æмæ ахуыргæнджытæн фадат уыдзæни ног зонындзинæдтæ райсынæн. Никита Анисимов куыд фæбæрæг кодта, афтæмæй абоны фæсивæдæн ис æппæт уавæртæ бæллиццаг фидæнмæ. Дыгай дипломты программæйыл дзургæйæ, студенттæн сæ бон у, дыууæ университеты дипломтæ райсынæн. Фæлæ фæсивæд сæхи рдыгæй хъуамæ æххæст кæной æппæт домæнтæ дæр. Уымæй уæлдай, Национ иртæстыты университет «Экономикæйы уæлдæр скъола» цæттæ у республикæйы астæуккаг ахуырады рæзтæн сæхи сæрмагонд методикæ радтынмæ. Абон у бынæттон университеты стратегион партнер.
