Курдиатджын сывæллæттæ сæ зонындзинæдтæ бæлвырд кæнынц 21 предметæй
Скъоладзауты æппæтуæрæсеон олимпиадæйы регионалон къæпхæн цæуы Дзæуджыхъæуы. Курдиатджын сывæллæттæ сæ зонындзинæдтæ бæлвырд кæнынц 21 предметæй. Фыццаг олимпиадæ уыд францусаг æвзагæй. Скъоладзаутæ сбæлвырд кодтой сæ зонындзинæдтæ историйæ æмæ аивады теорийæ дæр. Регионалон къæпхæны архайынц, скъолайы æмæ муниципалон æмвæзадтыл фылдæр баллтæ кæмæ уыд, уыцы ахуырдзаутæ. Уæлахиздзаутæ республикæйы кад хъахъхъæндзысты æппæтуæрæсеон æмвæзады. Æрвылаз олимпиадæйы æртыккаг туры фæархайы 110 мин скъоладзауы онг, æппæтæй парахатдæр та вæййынц – гуманитарон предметтæ – литературæ, уырыссаг æвзаг, аивад æмæ æхсæнадзонынад. Регионалон къæпхæны нысан у, скъоладзаутæн канд сæ теоретикон нæ, фæлæ сæ практикон зонындзинæдтæ сбæлвырд кæнын.
