Архайта дзы мин сывæллонæй фылдæр. Арæзт æрцыд ныр 18-æм хатт
Славайнаг фыссынады æмæ культурæйы бон республикæйы ацыд хоры зарæггæнджыты хсæн фестиваль сывæллæтты хсæн. Архайта дзы мин сывæллонæй фылдæр. Арæзт æрцыд ныр 18-æм хатт. Музыкалон бæрæгбон байгом кодтой республикæйы культурæйы министр Галазты Эдуард æмæ адæмон сфæлдыстады хæдзары директор Лалыты Хъазыбег. Фестивальмæ сæхи бацæттæ кодтой иумæйаг ахуырадон скъолаты, сывæллæтты аивæдты æмæ музыкалон скъолаты, сæрмагонд ахуыргæнæндæтты, стæй хихъæппæрисадон къордты минæвæрттæ. Фестивалы архайджытæ фыццаг хатт систы хъазахъхъæгты зарæггæнджыты къордтæ. «Славься», «Надежда», «Мой Иристон», «Казачья песня2 – Ацы композицитæ зæлыдысты профессионалты хъæлæсæй. Лауреатты схорзæхджын кодтой дипломтæй.