Семинары хатдзæгтæм гæсгæ 15 æнтыстджындæр архайæгæн лæвæрд æрцæудзæн амынддзинæдтæ Уæрæсейы сывæллæтты стырдæр федералон центрты кусынмæ
Раздзоджы хуызы хи бафæлварын, алы сывæллоны зæрдæмæ дæр фæндаг ссарын. Ууыл ахуыр кæнынц Цæгаткавказаг семинар-практикум «Раздзоджы скъола»-йы. Архайынц дзы Цæгат Кавказы федералон зылды республикæты педагогон уæлдæр ахуыргæнæндæтты æмæ колледжты 60 студенты. Абоны онг сæм алы бон дæр æнхъæлмæ кастысты цымыдисаг лекцитæ æмæ практикон ахуыртæ. Семæ куыстой федералон эксперттæ æмæ фæлтæрдджын специалисттæ. Уыдон куыстой бæстæйы хуыздæр лагерьты. Семинары хатдзæгтæм гæсгæ 15 æнтыстджындæр архайæгæн лæвæрд æрцæудзæн амынддзинæдтæ Уæрæсейы сывæллæтты стырдæр федералон центрты кусынмæ, 35 та ма кусдзысты Цæгат Кавказы федералон зылды лагерьты, 10 раздзоджы архайдзысты инновацион этнокультурон квест «Нартæ» æххæст кæныныл.
