07 апреля 2026, 10:32
Сывæллæтты дзæбæхгæнæн лагерь «Звездочка»-йы уыд профилон фæлтæр «Райгуырæн уидæгтæ»-м
Йæ сæйраг нысан уыд национ культурæ, ирон æвзаг æмæ традицион æрмдæсныйæдтæ хъахъхъæнын æмæ рæзын кæнын
Сывæллæтты дзæбæхгæнæн лагерь «Звездочка»-йы уыд профилон фæлтæр «Райгуырæн уидæгтæ»-м. Йæ сæйраг нысан уыд национ культурæ, ирон æвзаг æмæ традицион æрмдæсныйæдтæ хъахъхъæнын æмæ рæзын кæнын. Архайджытæ уыдысты 7-æм-9-æм кълæсты ахуырдзаутæ. 6 боны дæргъы зонгæ кодтой Ирыстоны хъæздыг истори æмæ культурæимæ. Бацæттæ сын кодтой цымыдисаг программæ. Сывæллæттæн сарæзтой дæсныйадæвдисæг ахуыртæ, лекцитæ. Базонгæ сæ кодтой ирон хореографиимæ, национ инструментты историимæ, уыдис сын ирон кинонывты равдыстытæ. Стыр æргом аздæхтой спортивон фæлтæрæнтæм æмæ æдасдзинадмæ. Скъоладзауты ахуыр кодтой фыццаг медицинон æххуыс кæныныл.
темæмæ гæсгæ
