Бæстыхайы райдыдта бындурон цалцæг
Сывæллæтты хоры скъолайы риссаг фарстатæ лыггонд цæуынц. Бæстыхайы райдыдта бындурон цалцæг. Демонтажон куыстытæ кæронмæ фæвæййынц. Цалцæг фæуын фæнд кæнынц ног ахуыры азы райдианмæ. Бæлвырддæр хабæрттæ радзурдзæн Хъайтмазты Дзерассæ.
Дзæуджыхъæуы сывæллæтты хоры скъолайы бындурон цалцæг бацыд йæ тæмæны. Революцийы агъоммæ арæзт бæстыхай рагæй уыд бæстонæй базилинаг. Йæ эксплуатацийы рæстæгмæ сæвзæрд бирæ риссаг фарстатæ. Царæй дон хъардта, инженерон хызтæ базæронд сты, нæ уыд æдасдзинады нырыккон системæ. Арæзтадон бригадтæ ныридæгæн фесты зæронд пъолты демонтаж, ссыгъдæг кодтой агъуыстытæ æмæ объект бацæттæ кодтой куыстыты иннæ къæпхæнмæ. Разæй – конструкцитæ фидар кæныны, бæстыхай уымæладæй хъахъхъæныны куыстытæ, хъæуы баивын æппæт коммуникацитæ æмæ электрон тыхы ног телтæ сæвæрын – дзуапп дæтдзысты нырыккон домæнтæн.
Абон ам ахуыр кæны 30 скъоладзауы онг æмæ кусы 6 педагогы. Сывæллæтты хоры скъолайы хицæндзинад ис йæ филиалты хызы: 5 дæлхайады – сты Дзæуджыхъæуы алы районты. æдæппæтæй сæ ахуыр кæны цыппарсæдæ хъомылгæнинаджы онг. Ахæм системæ сывæллæттæн дæтты, музыкæйæ сæ хæдзæрттæм хæстæг архайыны фадат, фæндагыл рæстæг нæ хардзгæнгæйæ. Кусæнуаты разамонæг Хæуытаты Фатимæйы ныхæстæм гæсгæ, бындурон цалцæгмæ ам бирæ азтæ æнхъæлмæ кастысты.
Бындурон цалцæг æххæстгонд цæуы муниципалон бюджеты фæрæзтæй. Раздæр федералон программæйы фæрцы скъола райста ног хъæддзаума, музыкалон инструменттæ æмæ нырыккон ифтонггæрзтæ. Ахуырадон кълæстæн балхæдтой телевизортæ æмæ интерактивон фæйнæджытæ. Бындурон цалцæг фæнд кæнынц ног ахуыры азы райдианмæ фæуын.
