Сфæлдыстадон ерыс вæййы æрвылаз æмæ сси сæрдыгон дзæбæхгæнæн кампанийы ирддæр цаутæй иу
Сывæллæтты сфæлдыстады хæдзары арæзт æрцыди Уæрæсейы адæмыхæттыты хоры зарджыты конкурс. Сфæлдыстадон ерыс вæййы æрвылаз æмæ сси сæрдыгон дзæбæхгæнæн кампанийы ирддæр цаутæй иу. Ацы аз конкурсы архайдтой лагерь Фидæн-ы 8 къорды – æдæппæтæй алы кары 280 лæппу æмæ чызджы. Сывæллæттимæ иумæ сценæмæ рацыдысты сæ разамонджытæ дæр. Се ппæт сфæлдыстадон къордтæ дæр равдыстой сæ музыкалон программæтæ ирон æвзагыл. Архайджытæ жюрийы размæ рахастой сæ вокалон арæхстдзинад, артистизм æмæ командæйы архайын куыд зонынц, уый. Конкурс аразджытæ куыд зæгъынц, афтæмæй ахæм хуызы сывæллæттæн æххуыс кæнынц се сфæлдыстадон хъомыс раргом кæнынæн, сæ музыкалон курдиат æмæ сценæйы кусынмæ арæхстдзинад рæзын кæнын.
