Йæ хæрзиуæг ын кадджын уавæры радтой Мæскуыйы Сергей Есенины номыл музейы «Есенин-Центр»-ы галерейы культурон центры
Фыссæг Тадтаты Тамерлан сси, «Литературон газеты» фыццаг сæйраг редактор Антон Дельвигы номыл æрвылазон премийы лауреат. Хуыйны «Дзырдæн æмæ Фыдыбæстæйæн кад». Йæ хæрзиуæг ын кадджын уавæры радтой Мæскуыйы Сергей Есенины номыл музейы «Есенин-Центр»-ы галерейы культурон центры. Премийы уæлахиздзауты равзарынц æппæтуæрæсеон историон форумы фæлгæты. Сæрмагонд проект царды æххæстгонд цæуы президентон грантты Фонды æххуысæй. Конкурс нымад у литераторты, культурæйы æмæ наукæйы архайджыты сæрмагонд фæзыл. Уыдон сæ куыстыты æвдисынц нырыккон æхсæнады актуалон фарстатæ. Баст сты нæ бæстæйы культурон-историон хæзнатæ бахъахъхъæнынимæ. Тадтаты Тамерланы радзырдты æмбырдгонд «Ангелы Беса» архайдта номинаци «Аив дзырд æмæ публицистикæ»-йы. Чиныджы сæмбырд кодта Цхинвалы хæсты æмæ горæты цæрджыты тыххæй радзырдтæ. Автор йæхæдæг уыд æвдисæн уыцы цаутæн. Æппæтадæмон литературон конкурс «Русская премия»-йы лауреат, социалон-экономикон æмæ интеллектуалон программæты стипендиат, Тадтаты Тамерлан у Мæскуыйы фысджыты Цæдисы уæнг æмæ сызгъæрин кады нысан «Общественное признание»-йы кавалер. Преми «Золотой Дельвиг» нысангонд æрцыд «Литературон газеты» фыццаг редактор Антон Дельвигы ном арынæн. Ныртæккæ нымад у литературæйы къабазы Уæрæсейы ахсджиагдæр премитæй иуыл. 2012-æм азæй фæстæмæ лæвæрд цæуы алы аз дæр, куыд национ преми «За верность слову и Отечеству».
