Ныртæккæйы онг республикæйы цæрджытæй уый фæдыл бацыд 2103 курдиаты
Цæгат Ирыстон хаст æрцыд, æрдзон газ бауадзыны куыст тагъддæр кæм цæуы, ахæм хуыздæр регионты хыгъдмæ. Ныртæккæйы онг республикæйы цæрджытæй уый фæдыл бацыд 2103 курдиаты. Уыдонæй 2069 курдиаты бындурыл арæзт æрцыдысты бадзырдтæ. 1069 хæдзары баиу кодтой газуадзæн хызтæм. Уый тыххæй фехъусын кодтой Цæгат Ирыстоны Сæргълæууæджы æмæ Хицауады пресс-службæйæ. Уæрæсейы Федерацийы субъекттæй ацы рейтинджы лидертæ систы Цæцæны æмæ Чувашийы республикæтæ, Оренбурджы, Пензæйы, Липецкы æмæ Владимиры облæсттæ, Пермы край, республикæтæ Мордови æмæ Марий Эл. Æнæххæстбарджын æхсæнадтæ «Газпром межрегионгаз» æмæ «Газпром газификация»-йы генералон директор Сергей Густов куыд бафиппайдта, афтæмæй сæ нысантæм гæсгæ ацы азы кæронмæ фæнд кæнынц 1 милуан бадзырды сæххæст кæнын. Адæмы активон архайд уынынц. Бирæты фæнды курдиат бадæттын. Æмæ уагæр газ бауадзынæн курдиат балæвæрдтой, уæд æнæмæнг скæндзысты бадзырд дæр. Уыцы бадзырды бындурыл та сæххæст кæндзысты æппæт хæстæ. Фидæны абонентмæ бахæццæ уыдзæн экологон æгъдауæй сыгъдæг, экономикон æгъдауæй та пайдайаг ресурс. Ахсджиаг ма у уый дæр, æмæ газ æххæстæй бауадзыны хъуыддагæн кæройнаг æмгъуыд нал ис. Уый та нысан кæны – курдиæтты æмæ бадзырдты нымæц кæй рæздзæн, уый.
