Дыууæ хатты сырæзт йæ архайджыты æмæ компетенциты нымæц
Цæгат Ирыстон Уæрæсейы регионты хсæн нымад æрцыд змæлд «Абилимпикс»-ы лидерыл. Дыууæ хатты сырæзт йæ архайджыты æмæ компетенциты нымæц. Уый тыххæй йæ телеграмм-каналы фехъусын кодта ахуырады æмæ наукæйы министр Алыбекты Эллæ. 13 адæймаджы ацыдысты регионты хсæн æвзарæн къæпхæнтæ, æмæ нæ республикæйы кад хъахъхъæндзысты Национ чемпионаты финалы. Уыдзæн октябры Мæскуыйы. Компетенциты хыгъд фæфылдæр кодтой 29 онг. Ныр дзы ис ахæм сæргондтæ, куыд «ландшафтный дизайн», «кондитерское дело», «мастер по приготовлению пиццы», «графический дизайн», «Выпечка осетинских пирогов», «Туризм» æмæ æндæртæ. Кæй зæгъын æй хъæуы, æппæтæй ахадгæдæр компетенцитæ сты — «Ирон кæрдзынтæ фыцын, «Райдиан кълæсты ахуыргæнджытæ», «Медицинон æмæ социалон лæггæдтæ» стæй «Къамисæг». «Абилимпикс» — у чемпионатты змæлд профессионалон дæсныйадæй, йе нæниздзинад хъыгдард кæмæн у, ахæм адæмы хсæн. Фæстаг азты Цæгат Ирыстоны кæны парахатдæр. Ацы аз нæ республикæ сси раззагдæр фæзтæй иу æвзарæн къæпхæнæн. Ахсджиаг у профориентацион куыстыл архайын. Нæ архайджытæн фадат ис сæхи алы компетенциты бафæлварынæн, æмæ алы куыстуæтты разамонджытимæ базонгæ уæвынæн, — загъта Алыбекты Эллæ.
