Мадзал цæуы ныр 9-æм аз. Турниры архайдтой университетты 24 командæйы.
УФ-йы Президенты цур Цæгат Ирыстоны æххæстбарджын минæварады арæзт æрцыди мæскуыйаг студентты хсæн интеллектуалон хъазт «Брейн-ринг».
Мадзал цæуы ныр 9-æм аз. Турниры архайдтой университетты 24 командæйы. Жюрийы уæнгтæ – Мæскуыйы РЦИ-А фæсивæдон минæварады сæрдар Фæрниаты Сослан, Мæскуыйы ирон æхсæнады уæнг Батырты Сослан æмæ æххæстбарджын минæварады кусæг Хъуыссæты Хетæг. Универсиадæйы историмæ гæсгæ дзы ацы хаттæй фылдæр архайджытæ никуыма уыди. Се хсæн Цæгат æмæ Хуссар Ирыстоны, Адыгейы, æмæ æндæр республикæты минæвæрттæ. Зæгъын хъæуы уый, æмæ дзы бирæтæ уыдысты 1-æм курсонтæ. Турниры финалмæ ацы аз хаст æрцыди ивддзинæдтæ дæр. Цымыдисаг хæслæвæрдтæй уæлдай фæсивæдмæ æнхъæлмæ касти бирæ æхсызгон фембæлдтытæ дæр. Зындгонд адæмтæ сæм лæвæрдтой фæрстытæ. Уæвгæ та финалмæ рацыдысты Мæскуыйы авиацион институт – райста бронзæ. Адыгейы командæ бацахста дыккаг бынат. Сызгъæрин хæрзиуæджы аккаг та сси Мæскуыйы паддзахадон лингвистикон университет. Уæлахиздзаутæ æмæ приизертæ райстой кады гæххæттытæ æмæ боулингмæ сертификаттæ. Уымæй уæлдай ма се ппæтæн дæр радтой лæвæрттæ. Проект æххæсгæнгæйæ, универсиадæйы радон турнир уыдзæни шахмæттæй.
