Амыдта йæ премьер Дзанайты Барис.
Цæгат Ирыстоны æнæниздзинадхъахъхъæнынады системæйы райрæзты фарстатыл æрныхас кодтой хицауадон æмбырды. Амыдта йæ премьер Дзанайты Барис. Архайдтой дзы республикæйы профилон ведомствæты минæвæрттæ æмæ медицинон организациты разамонджытæ. Сæрмагондæй æркастысты, ацы азы 7 мæймæ æнæмæнг медицинон фæдзæхстады территориалон программæ куыд æххæстгонд цæуы, уымæ. Æнæниздзинадхъахъхъæнынады министр Тебиаты Сослан радзырдта, ацы хъуыддагæй 2023-æм азы кæй снысан кодтой 10 миллиард сомæй фылдæр, уый. Республикæйы æнæмæнг медицинон фæдзæхстады территориалон фонды директор Дзæгъойты Алан куыд загъта, афтæмæй адæмæн æххуыс кæнынц медицинон лæггæдты æппæт къабæзтæм гæсгæ. Дзанайты Барис фондæн æмæ профилон министрадæн бабар кодта, дарддæр цæст дарын, медицинон организацитæн фонд цы фæрæзтæ дих кæны, уыдонæй нысанмæ гæсгæ æмæ ахадгæйæ пайдагонд куыд цæуа, уымæ. Премьер ма бахæс кодта, æнæмæнг медицинон фæдзæхстадмæ гæсгæ цы лæггæдтæ æмбæлы, уыдоны тыххæй адæмæн информаци дæттыны куыст фæтыхджындæр кæнын.
