филиал вгтрк государственная телерадиовещательная компания “Алания”

Цæгат Ирыстоны дарддæр æххæстгонд цæуы æппæтуæрæсеон конкурс «Афæдзы хуыздæр ахуыргæнæджы» регионалон къæпхæн. Дзæуджыхъæуы 45-æм гимназы арæзт æрцыд педагогты дыккаг фæлтæрæн. Гом урочы ахуыргæнджытæ равдыстой ахуырады хи методикæтæ æмæ технологитæ. Сæ арæхстдзинадæн сын аргъ кодта дæсны жюри. Йæ хыгъды – республикæйы педагогон æхсæнады æмæ профцæдисты организациты минæвæрттæ. Ерысы архайдта 22 адæймаджы. Уыдонæй 10 ахуыргæнæджы равзардзысты иннæ къæпхæнмæ, финалмæ та рацæудзысты фондз конкурсанты. Уæлахиздзауты æмæ призерты схорзæхджын кæндзысты ахуырады æмæ наукæйы министрады дипломтæй, стæй æхцайы призтæй.