Республикæйы цæрджытæн æмæ уазджытæн фадат ис зымæгон диссæгтæ аразæгмæ фыстæг ныффыссынæн
Цæгат Ирыстоны кусын райдыдта Митын Дадайы Пост. Республикæйы цæрджытæн æмæ уазджытæн фадат ис зымæгон диссæгтæ аразæгмæ фыстæг ныффыссынæн. Уыимæ ма дзы зæрдиаг арфæтæ райсын. Бæллицтимæ писмо арвитæн ис посты асыккмæ ныппаргæйæ, æмæ дзы дæхи адрес ныффысгæйæ, стæй маркæ баныхас кæнгæйæ. Æппæт фыстæджытæ арвитдзысты горæт Великий Устюгмæ, Митын Дадайы резиденцимæ. Ног азы посты асыкк æвæрд æрцыд Къостайы проспекты, 134-æм хæдзары æмæ кусдзæн 31-æм декабры онг. Ног азы бæрæгбоны акци арæзт фæцæуы алы аз дæр. Фæархайынц дзы бирæ сывæллæттæ. Ныффыссынц сæ зæрдæбын хъуыдытæ æмæ бæллицтæ. Посты кусджытæ куыд зæгъынц, афтæмæй уæлдай зæрдæмæхъаргæ рауайынц æппæты кæстæр сабиты писмотæ.
