Уæлдæр ахуыргæнæндон куы фæзынд, уæдæй нырмæ суазæг кæны фæсарæйнаг абитуриентты дæр
Хорз ахуырад, практикæ æмæ куыст. Цæгат Ирыстоны медицинон академийы ахуыр кæнынц студенттæ дунейы 30 бæстæйæ. Уæлдæр ахуыргæнæндон куы фæзынд, уæдæй нырмæ суазæг кæны фæсарæйнаг абитуриентты дæр. Арæзт сын æрцæуынц экскурситæ æмæ сын æххуыс кæнынц уырыссаг æмæ англисаг æвзæгтæ базонынæн. Цавæр фадæттæ дæтты медицинон академи фæсарæйнаг студенттæн, уый базондзыстæм нæ дарддæры æрмæгæй.
Масуд Весам у Палестинæйæ. Цæгат Ирыстонмæ йæ ахуыр раивта, медицинон уæлдæр ахуыргæнæндоны 3-æм курсы куы ахуыр кодта, уæд. Нæ республикæмæ ссыд, уымæн æмæ Цæгат Ирыстоны паддзахадон медицинон академийы диплом ахады бæстæйы бирæ горæтты – зæгъы лæппу.
Ныридæгæн Цæгат Ирыстоны медицинон академийы ахуыр кæнынц студенттæ дунейы 30 бæстæйæ. Германийæ, Канадæйæ, Индийæ, Грецийæ æмæ афтæ дарддæр. Ахуыргæнæндоны разамынд студенттæн æххуыс кæны уырыссаг æмæ англисаг æвзæгтæ базонынæн, саразынц сын экскурситæ.
Фæсарæйнаг студенттæй иуæй – иутæн сæ зæрдæмæ Ирыстоны афтæ тынг фæцыд, æмæ фæнд кæнынц ам æрцæрын. Куыд зæгъынц, афтæмæй сæ зæрдæмæ цæуынц æгъдæуттæ, стæй адæм хæларзæрдæ кæй сты, уый.
