Хæлардзинады акцийы фæлгæты се ппæтæн дæр арфæ ракодтой, æвзæрстытæ рæстмæ кæй ацыдысты, уый тыххæй
Цæгат Ирыстоны национ музейы сбæрæг кодтой, Хъырым Уæрæсеимæ куы баиу, уый 10 азы бон. Хæлардзинады акцийы фæлгæты се ппæтæн дæр арфæ ракодтой, æвзæрстытæ рæстмæ кæй ацыдысты, уый тыххæй. Музейы равдыстыты залы бацæттæ кодтой равдыст «Крымская волна…». Йæ автор – Хъырымы республикæйы сгуыхт архитектор, къамисæг, Цæгат Ирыстоны минæвар Хъырымы – Саулаты Валерий. Равдысты ирдæй зыны, Хъырым Уæрæсеимæ æнгом тæгтæй баст кæй у, уый. Мадзалы зæлыдытсы Мариинаг театры солистты æмæ Уæрæсейы национ гвардийы оркесты зæлтæ. Бæрæгбон бацæттæ кодта республикæйы хæлардзинады хæдзар Цæгат Ирыстоны культурæйы, стæй национ политикæйы æмæ æддагон бастдзинæдты министрадты æххуысæй. Йе вæрæн æм бахаста Уæрæсейы æфсæддон-историон æхсæнады регионалон хайад дæр.
