Экспозицимæ бахастой 60 нывæй фылдæр
Цæгат Ирыстоны нывгæнджыты цæдисы байгом Хаситы Павелы куыстыты равдыст. Экспозицимæ бахастой 60 нывæй фылдæр. Сты – жанртæм гæсгæ композицитæ æмæ портреттæ. Мастер кусы монументалон нывкæнынады, йæ бирæ зонындзинæдтæй пайда кæнгæйæ. Стыр æргом здахы дунейы историмæ. Нывгæнæг аразы егъау композицитæ нарты кадджытимæ æмæ дины темæимæ баст. Национ æууæлтæ та раргом кæны йæ хæххон пейзажты. Портретты хсæн та бæрæг дарынц не мзæххонты сурæттæ: Хетæгкаты Къоста, Тугъанты Махарбег, Джусойты Нафи. Хаситы Павел райгуырд 1951-æм азы Хуссар Ирыстоны Хъорнисы. Каст фæци Тугъанты Махарбеджы номыл Цхинвалы аивадон училищæйы нывкæнынады-педагогон хайад. Уый фæстæ та Тбилисийы Аивæдты Паддзахадон Академи. Ныртæккæ Хаситы Павел у Уæрæсейы нывгæнджыты цæдисы уæнг.
