Равæрдтой дзы нывкæнынады, графикæйы, скульптурæйы æмæ декоративон æрмдæсныйады 60 куыстæй фылдæр
Цæгат Ирыстоны нывгæнджыты Цæдисы равдыстытæ аразæн залы байгом «Адыгейы нывгæнджыты» экспозици. Равæрдтой дзы нывкæнынады, графикæйы, скульптурæйы æмæ декоративон æрмдæсныйады 60 куыстæй фылдæр. Ацы равдыст аивадуарзджыты зонгæ кæны 20-æм æнусы кæрон æмæ 21-æм æнусы райдианы Адыгейы нывгæнджыты сфæлдыстадимæ. Фенæн дзы ис сюжетон-теамтикон нывтæ, пейзажтæ, портреттæ, натюрморттæ. Ирдæй æвдисынц авторты сфæлдыстадон æмæ аивадон æрмдзæф æмæ хъуыды. Адыгейы профессионалон аивады рæзты стыр бынат ахсы уырыссаг аивадон культурæ йæ классикон традицитимæ. Авторты нысан у – иумæйаг культурон хъуыдытæ, национ традицитæ æмæ нырыккон стилистикæ равдисын. Нывгæнджыты сфæлдыстадимæ базонгæ уæвæн уыдзæн сентябры кæронмæ.
