Меморнадумы бынмæ сæ къухтæ бафыстой дыууæ уæлдæр ахуыргæнæндоны разамонæджы Огъуаты Алан æмæ Григорий Трубников
Цæгат Ирыстоны паддзахадон университет æмæ ядерон иртæстыты Иугонд институт баныхас кодтой æмгуыстадыл. Меморнадумы бынмæ сæ къухтæ бафыстой дыууæ уæлдæр ахуыргæнæндоны разамонæджы Огъуаты Алан æмæ Григорий Трубников. Документмæ гæсгæ æмгуыстад цæудзæн наукон иртæстыты къабазы æмæ кадртæ цæттæ кæныны хъуыддаджы. Афтæ хорз фидæн хъуамæ уа физикон-техникон, химийы, биологийы æмæ биотехнологийы, математикæйы æмæ информацион технологиты факультеттимæ æмгуыстадæн. Цæгат Ирыстоны паддзахадон университеты студенттæн æмæ аспиранттæн фадат уыдзæн ахуырадон æмæ наукон-куыстадон практикæ ацæуынæн. Уæ зæрдыл уын æрлæууын кæндзыстæм, 5 азы размæ дыууæ университеты баныхас кодтой æмгуыстадыл радиацион биологийы, терапийы æмæ экологийы къабæзты.
