Регионалон конкурстæ ныртæккæ цæуынц Уæрæсейы æппæт 89 субъекты дæр
Цæгат Ирыстоны райдыдта профессионалон арæхстдзинады 9-æм регионалон чемпионат «Абилимпикс-2025». Регионалон конкурстæ ныртæккæ цæуынц Уæрæсейы æппæт 89 субъекты дæр. Архайынц дзы 25 мин адæймагæй фылдæр 200 компетенцимæ гæсгæ. Республикæйы ерысты та сты 32. Бæлвырддæр радзурдзæн Хъайтмазты Дзерассæ.
Профессионалон зонындзинæдтæй аразгæ у фидæн. Хæххон паддзахадон аграрон университеты культурæйы галуаны райдыдта президентон платформа «Уæрæсе – гæнæнты бæстæ»-йы профессионалон арæхстдзинады 9-æм регионалон чемпионат «Абилимпикс-2025». Йе нæниздзинад хъыгдард кæмæн у, уыцы адæмы профессионалон зонындзинæдты райрæзты къабазы ацы чемпионатон змæлд сси æппæтæй егъаудæр. «Абилимпикс»-ы регионалон хайад архайы базарадон-экономикон колледжы фæзы.
Астæуккаг профессионалон ахуырады организациты равдысты – студентты æнтыстдзинæдты хатдзæгтæ. Регионалон конкурстæ ныртæккæ цæуынц Уæрæсейы æппæт 89 субъекты дæр. Архайынц дзы 25 мин адæймагæй фылдæр 200 компетенцимæ гæсгæ.
Республикæйы ерыстæ цæуынц 32 компетенцимæ гæсгæ. Уыдонæй 6 программæйы фыццаг хатт фæзындысты. Ерыстæ цæудзысты астæуккаг профессионалон æмæ уæлдæр ахуырады 16 ахуырадон организацийы. Фыццаг бон архайджытæн арæзт æрцыд куысты бынæтты армукъа.
Чемпионаты хатдзæгтæм гæсгæ арæзт æрцæудзæн республикæйы иугонд командæ. Уый Цæгат Ирыстоны кад хъахъхъæндзæн ерысты æппæтуæрæсеон æмвæзадыл.
