филиал вгтрк государственная телерадиовещательная компания “Алания”

Цæгат Ирыстоны районты культурæйы хæдзæрттæ райстой 5 милуан сомæй фылдæр, сæ материалон-техникон бындур сног кæнынæн. Фæрæзтæ радих кодтой, паддзахадон программæ «Культурæйы рæзт»-мæ гæсгæ. Уыцы хцайæ ныридæгæн балхæдтой музыкалон инструменттæ, сценикон костюмтæ, хъæддзаума, компьютерон техникæ æмæ æндæр кусæнгæрзтæ. Се ппæт дæр æнæмæнг хъæугæ сты культурæйы куыстуæтты. Республикæйы Сæргълæууæг Сергей Меняйло куыд бафиппайдта, афтæмæй Цæгат Ирыстоны районты цæрынц æмæ архайынц бирæ курдиатджын сывæллæттæ, стæй сфæлдыстадон коллективтæ. Регионы разамынды нысан та у – аразын æппæт уавæртæ, цæмæй рæзгæ фæлтæрæн сæ бон уа уарзон къордты архайын.