Æппæтуæрæсеон чемпионат «Что? Где? Когда?»-йы регионалон къæпхæн арæзт æрцыд Цæгат Ирыстоны паддзахадон университеты
Цæгат Ирыстоны скъолаты æмæ колледжты 9 командæйы архайдтой интеллектуалон турниры финалмæ рацæуыныл. Æппæтуæрæсеон чемпионат «Что? Где? Когда?»-йы регионалон къæпхæн арæзт æрцыд Цæгат Ирыстоны паддзахадон университеты. Лæппутæ æмæ чызджытæ равдыстой сæ зонындзинæдтæ историйæ, литературæйæ, аивадæй æмæ наукæйæ. Уымæй дарддæр равдыстой цыргъзонд æмæ командæйы архайын куыд зонынц, уый. Цæгатирыстойнаг æртæ командæйы рамбылдтой призон бынæттæ. Тыхджындæрыл нымад æрцыд Мæздæджы аграрон-промышленнон техникумы командæ «Склад ума». Дыккаг æмæ æртыккаг бынæттæ бацахстой командæтæ «Прометей» Цæгат Ирыстоны педагогон колледжæй æмæ «Оптимист» Цæгат Кавказы арæзтадон техникумæй. Мадзал саразыныл бакуыста Уæрæсейы æхсæнад «Знание»-йы регионалон филиал.
