Уый тыххæй хицауады радон æмбырды фехъусын кодта ахуырады æмæ наукæйы министр Людмила Башарина.
Цæгат Ирыстоны сывæллæтты рæвдауæндæтты уæлæмхасæн къордтæ байгом кæнынæн радих кæндзысты 163 милуан сомы.
Уый тыххæй хицауады радон æмбырды фехъусын кодта ахуырады æмæ наукæйы министр Людмила Башарина. Уый къухы æфты национ проект «Ахуырад»-ы фæрцы. Программæйы фæлгæты ма царды рацæудзæн 3 мобилон кванториумы. Ахуырады хæрзхъæддзинадыл фæбæрæг уыдзысты федералон субсидитæ, сæ бæрц у 4 милуаны 500 мин сомы. Курдиат балæвæрдтой фарон æмæ сæ ныр схардз кæндзысты уæзхъус æмæ къуырма сывæллæтты интернаты ифтонгдзинадыл.
Хицауады уæнгтæ се ргом аздæхтой национ проект «Æнæниздзинад» царды рауадзыны фарстатæм. Министр куыд загъта, афтæмæй кусын райдайдзæн санавиаци. Уый тыххæй вертолеттæн хъæуы стæхæн æмæ æрбадæн бынæттæ саразын. Загъд ма уыд, сывæллæтты рынчындон тагъд рæстæг ифтонг кæй уыдзæн ног диагностикон кусæнгарзæй. Æмбырды рæстæг Тускъаты Таймураз куыд фæбæрæг кодта, афтæмæй ныртæккæ нæ республикæйы рынчынты нымæц у тынг бæрзонд – 65%. Æмæ уыцы уавæримæ хъæуы кусын, загъта премьер.
