Архайынц дзы 9-æм, 10-æ æмæ 11-æм кълæсты ахуырдзаутæ
Цæгат Ирыстоны цæуы скъоладзауты Æппæтуæрæсеон олимпиадæйы регионалон къæпхæн. Архайынц дзы 9-æм, 10-æ æмæ 11-æм кълæсты ахуырдзаутæ. Сæ зоныдзинæдтæ скъоладзаутæ бæрæг кæнынц 21 иумæйагахуырадон предметæй. Раздæр уал лæппутæ æмæ чызджытæ центр «Вершина»-йы ныффыстой олимпиадæ уырыссаг æвзагæй. Æдæппæтæй дзы архайдтой 100 адæймагæй фылдæр. Се ппæт дæр сты, муниципалон къæпхæны фылдæр баллтæ чи æрæмбырд кодта, уыдон, стæй ивгъуыд азы регионалон къæпхæны уæлхиздзаутæ æмæ призертæ. Куыстытæн аргъ кæндзысты уæлдæр ахуыргæнæндæтты стæй хуыздæр скъолаты педагогтæ. Регионалон къæпхæны хатдзæгтæм гæсгæ хуыздæр ахуырдзаутæ рацæудзысты федералон æмвæзадмæ. Уымæй дарддæр ма олимпиадæйы уæлахиздзаутæн фадат уыдзæн уæлæмхасæн балттæ райсынæн, уæлдæр ахуыргæнæндонмæ цæугæйæ.
