24 августа 2023, 13:01
Цæгат Ирыстоны центрон æвзарæн къамисы бахыгътой мобилон æвзарæн къамисы фæлварæн проекты фыццаг къæпхæны бæрæггæнæнтæ
Куыд фæбæрæг кодтой, афтæмæй дыууæ къуырийы дæргъы 115 специалисты æрзылдысты 110 адрисыл
Цæгат Ирыстоны центрон æвзарæн къамисы бахыгътой мобилон æвзарæн къамисы фæлварæн проекты фыццаг къæпхæны бæрæггæнæнтæ. Куыд фæбæрæг кодтой, афтæмæй дыууæ къуырийы дæргъы 115 специалисты æрзылдысты 110 адрисыл. Сæ куысты нысан уыдис æвзарджытæм алкæмæ дæр хъæлæс кæныны фæткы тыххæй информаци комкоммæ фæхæццæ кæнын. Уыцы хъуыддаджы сын стыр æххуыс уыдысты нырыккон планшеттæ сæрмагонд программæтимæ. Центрон æвзарæн къамисы сæрдар Моргуаты Жаннæ куыд фехъусын кодта, афтæмæй ныртæккæ бæрæг кæнынц, фыццаг къæпхæны цы аипдзинæдтæ æруагътой, уыдон, цæмæй сæ сраст кæной, уый тыххæй. Дыккаг къæпхæн райдайдзæнис майрæмбоны.
