Уый сбæрæг, Дзанайты Барисæн вице-премьертимæ цы æмбырд уыдис, уым
Цæгат Кавказы аграрон-технологон колледжы бындурыл Æрыдоны арæзт æрцæудзæн æнæпилотон авиасистемæтæ ахуыр кæнынæн тæхæн фæз. Уый сбæрæг, Дзанайты Барисæн вице-премьертимæ цы æмбырд уыдис, уым. Уæ зæрдыл уын æрлæууын кæндзыстæм, Цæгат Ирыстон бацыд, æнæпилотон авиасистемæтæ ахуыр кæныны программæтæ æххæстгонд кæм цæудзысты, уыцы фыццаг регионты хыгъдмæ. Бацархайыны фадат дзы уыдзæн 950 скъоладзауæн æмæ студентæн. Федералон гранты бæрц – 298 милуан сомы. Дзанайты Барис фæсидт, сæрмагонд æргом аздахын зæххы хæйтты инвентаризацийы куыстмæ. Премьеры ныхæстæм гæсгæ, æппæт зæххытæй пайда кæнын хъæуы æрмæст сæ нысаниуæгмæ гæсгæ. Загъта ма, цæст дарын кæй хъæуы, бюджетмæ хъалонты фиддонтæм.