Йæ сæйраг нысан – арæзтадон къабазы организациты æмæ уæлдæр ахуыргæнæндонимæ бастдзинад фидардæр кæнын
«Ахуырадон архайд æмæ кадртæй ифтонгдзинад арæзтадон къабазы». Цæгат Кавказы хæххон металлургон институты архитектурон-арæзтадон факультеты 60 азы кадæн ахуыргæнæндоны арæзт æрцыд ахæм сæргондимæ наукон фембæлд. Йæ сæйраг нысан – арæзтадон къабазы организациты æмæ уæлдæр ахуыргæнæндонимæ бастдзинад фидардæр кæнын, æрыгон специалисттæн куысты бынæттæ агурынæн æххуыс кæнын, стæй арæзтадон организацитæ кадртæй ифтонг кæнын. Нæ республикæйы арæзтады æмæ архитектурæйы министры хæдивæг Моргуаты Константин бæстон æрдзырдта Уæрæсейы экономикæйы нымæцон ивддзинæдтыл. Уыдон хауынц арæзтадмæ дæр. Ныхас ма цыд квадратон метры æргътыл дæр. Фембæлды архайдтой æххæстгæнæн хицаудзинады оргæнты минæвæрттæ, арæзтадон организациты разамонджытæ æмæ Хæххон металлургон институты педагогтæ æмæ студенттæ. Фæстæдæр фæсивæдæн фадат уыд куысты бынæтты армукъа бабæрæг кæнынæн. Байгом æй кодтой ахуыргæнæндоны.
