Сæмбырд кодта профилон педагогты бæстæйы алы регионтæй
Цæгат Кавказы суворовон æфсæддон училищæйы арæзт æрцыд ахуырадон семинар. Сæмбырд кодта профилон педагогты бæстæйы алы регионтæй. Федтой кæрæдзийы фæлтæрддзинад, базыдтой ног амындтытæ. Семинары хатдзæгтæм гæсгæ, æппæт бæстæйы ахуырадон къабазы апарахат уыдзысты ног бакуыстытæ. Бæлвырддæр хабæрттæ радзурдзæн Хъайтмазты Дзерассæ.
Цæгат Кавказы суворовон æфсæддон училищæйы сæрмагонд семинар сæмбырд кодта 50 педагогæй фылдæр, суанг ма Уæрæсейы æппæтæй дæрддзæф регионтæй дæр.
Семинар аразджыты ныхæстæм гæсгæ, мадзалы темæ «Урок, который построим мы» хуымæтæджы нæ равзæрстой. Кæрæдзийы фæлтæрддзинад фенын, ног педагогон амындтытæ базонын. Уый хъуамæ фадат радта нырыккон информацион технологиты райрæзтæн æфсæддон уæлдæр ахуырады агъоммæйы системæйы.
Ацы дискуссион фæзы педагогтæ-гуманитаритæ дзурынц функционалон ахуырдзинады райрæзты тыххæй. Теори практикон дæнцæгтæй фидар кæнынц.
Æфсæддон хъуыддаджы бындуртæ базонын фаг нæу. Æфсæддон училищæты, кадетон кълæсты æмæ корпусты рауагъдонтæ хъуамæ се мгæрттæй хуыздæр зоной скъолайы программæ. Уæрæсейаг æфсады фидæны элитæйы хъомылад æххæстгонд цæуы федералон паддзахадон ахуырадон стандартмæ гæсгæ, зæгъынц семинары архайджытæ.
Ацы кусæг лабораторийы дзурынц нымæцты æвзагыл. Химиктæ, физиктæ, математикæйы æмæ информатикæйы ахуыргæнджытæ. Ам хынцынц ахсджиаг хæслæвæрдтæ – ахуырады ног стратегитæ информацион-коммуникативон технологиты.
Историйы, культурæйы æмæ Фыдыбæстæмæ уарзондзинады тыххæй дзурын хъæуы рæзгæ фæлтæры æвзагыл, зæгъы Тулæйы суворовон æфсæддон училищæйы ахуыргæнæг Елена Долгова. Сарæзта дæсныйадæвдисæг ахуырад «Тренд в образовании: геймификация».
2 æнтыстджын ахуырадон боны. Финалон фотосесси, æмæ хæстæгдæр рæстæг инновацион амындтытæ æмæ практикон фæлтæрддзинад апарахат уыдзысты бæстæйы регионты, цæмæй Уæрæсейы хъахъхъæнынады министрады кусæнуатты ахуырадон процесс цымыдисаг мидисæй баххæст уа, уый тыххæй.
