филиал вгтрк государственная телерадиовещательная компания “Алания”

Цæгат-Кавказы суворовон æфсæддон училищæйы уыд гом дуæртты бон. Фидæны курсанттæн æмæ сæ ныййарджытæн скодтой экскурси. Ахуыргæнджытæ æмæ суворовонтæ уазджытæн равдыстой ахуыргæнæндоны музей, кабинеттæ, спортивон кълæстæ. Уымæй уæлдай, сын радзырдтой училищæйы историйы æмæ йæ хъæбытыр-рауагъдонты тыххæй. Бирæтæн дзы ацы ахуыргæнæндон сси æнæхъæн цард. Цымыдисаг фембæлды фæстæ, уазджытæн равдыстой концертон программæ. Ацы аз училищæ 5-æм къласы суазæг кæндзæн 80 адæймаджы. Йæ разамынд куыд зæгъы, афтæмæй афæдзæй-афæдзмæ ардæм кæй фæнды æрбацæуын, уыцы адæмы нымæц кæны фылдæр. Ам хыгъд цæуы æрмæст ахуырдзауы цæттæдзинад нæ, фæлæ Фыдыбæстæ хъахъхъæнынмæ куыд разæнгард у, уый дæр.