Йæ архайджытæ æрныхас кодтой, регионы рæзтыл чи кусы, ахæм иртасæн мадзæлтты уæлдæр ахуыргæнæндæтты архайдыл
ЦИПУ-йы ацыди Цæгат Ирыстоны уæлдæр ахуыргæнæндæтты ректорты Советы æмбырд. Йæ архайджытæ æрныхас кодтой, регионы рæзтыл чи кусы, ахæм иртасæн мадзæлтты уæлдæр ахуыргæнæндæтты архайдыл. ЦИПУ-йы байгом уыдзæн Цæгат Кавказы компетенциты фыццаг Центр. Проект æххæстгонд цæуы Президенты платформа «Россия страна возможностей»-йы хъæппæрисæй. Центры студенттæ рабæрæг кæндзысты сæ профессионалон æууæлтæ. Алкæмæн дæр сæ сараздзысты хи ахуырадон траектори. Уымæй уæлдай ныхас цыди, скъолаты профориентацион куыст кæнын кæй хъæуы, уый. Ахуырдзаутæ иумæйаг паддзахадон фæлварæнты рæстæг къаддæр æвзарын райдыдтой профилон математикæ æмæ физикæ. Фæсаууон баззадысты техникон дæсныйæдтæ. Физикæ æмæ математикæ кæм хъæуы, уыцы факультетты иуæй-иу бюджетон бынæттæ, гæнæн ис, æмæ ма байдзаг уой.
