Уæрæсейы наукæйы бон Дзæуджыхъæуы кад кодтой хуыздæр иртасджытæн
2021-æм аз Уæрæсейы нымад æрцыди наукæ æмæ технологиты афæдзыл. ЦИПУ-йы та снысан кодтой æргон ахуыргæндтæн фыццаг преми «Бесконечность». Уæрæсейы наукæйы бон Дзæуджыхъæуы кад кодтой хуыздæр иртасджытæн. Се хсæн конкурс «Лидеры России»-йы суперфиналист – Инга Тваури.
Кусгæ бон йæ кæронмæ куы æрхæццæ вæййы, уæддæр ацы лабораторийы процесс не бауромы. Наукæйы арфы дзуæппытæ агурынц бирæ зын æмæ ахсджиаг фарстатæн. Наукон разамонæг Инга Тваури амоны, куыд хуыздæр бакæнын хъæуы, уый.
Иумæйаг пайдагæнæн центр кусы ЦИПУ-йы физикон-математикон факультеты бындурыл. Ам бындуронæй ахуыр кæнынц физикæ æмæ технологиты наноструктурæтæ. Цы иртæстытæ дзы кæнынц, уыдон хуымæтæг адæймаг нымайы, саразæн кæй нæй, ахæмтыл. Иртасджытæн та сты æцæгæйдæр стыр æнтыстдзинæдтæм фæндаг. Абон центры фæз гом у се ппæт æрыгон ахуыргæндтæн дæр.
Иртæстыты хуызты нымæц уæрæхдæр кæнын, æмæ ног адæмы ргом здахын, уыимæ хи дæнцæгыл. Æрыгон, фæлæ уыцы-иу рæстæг æнтыстджын ахуыргонды фæлгонцы фæсаууон ис дысвæлдæхт фæллой, æмæ æгæрон уникалон иртæстытæ. Абон Инга Тваури у физикон-техникон факультеты декан, центр FabLab Alania-йы разамонæг, конкурс «Лидеры России 2020», трек «Наука»-йы финалист.
Цы фæлтæрддзинад æрæмбырд кодта, æмæ йæм йæ куысты цы гæнæнтæй пайда кæны, уыдоны фæрцы æрмæст студенттимæ кусын нæу йæ бон, фæлæ ма йе мкусджытимæ дæр. Наукæмæ разæнгарддзинад ныртæккæ у ахсджиаг хъуыддæгтæй иу. Иртасæн куыст чи кæны, уыцы ахуыргæндтæ наукæйы бон хорзæхгонд æрцыдысты ЦИПУ-йы.
Преми «Бесконечность»-ы фыццаг хицау сси Петракис Чаликиди. Центры хистæр наукон кусæг архайы химийы къабазы. Йæ рхъуыдыдзинæдтæй йын пайда кæнынц хъæууон хæдзарады.
Сæ куыстуарзондзинад æмæ наукæйы рæзтмæ стыр æвæрæн кæй хæссы, уый тыххæй кады гæххæттытæ æмæ арфæйы фыстæджытæ райстой 33 иртасæджы. Инга Тваурийы архайд дæр æрхъуыды кодтой аккаг æмвæзадыл.
