филиал вгтрк государственная телерадиовещательная компания “Алания”

«Музейы цард: 85 азы». Ахæм сæргондимæ Тугъанты Махарбеджы номыл аивадон музейы байгом юбилейон равдыст. Музей йæ равзæрдæй абонмæ суазæг кодта бирæ адæмты. Уыимæ канд нæ республикæйы цæрджыты нæ, фæлæ ма бæстæйы æндæр горæттæй уазджыты дæр. 85 азмæ дзы сарæзтой мин равдысты онг, йæ коллекци та иу экспонатæй сырæзт 6 мин экспонаты онг æмæ абон дæр ма кæнынц фылдæр. Аивадон музейы юбилейон равдысты фенæн ис фыццаг коллекци. Ома, Советон Цæдисы музейон фондæй ардæм 1940-æм азты цы экспонаттæ сластой, уыдон. Уыдзæн ма дзы, Тугъанты Махарбеджы номыл музейæн фидар бындур чи сарæзтой, уыцы Третьяковы галерейæ æмæ уырыссаг Паддзахадон музейæ ласт экспонаттæ дæр.