филиал вгтрк государственная телерадиовещательная компания “Алания”

Уæрæсейы гвардийы Дзæуджыхъæуккаг иугонды бастдзинады батальон  республикæйы скъоладзаутæн скодта гом дуæртты бон. Сывæллæттæн скодтой экскурси, службæ кæм хæссынц, уыцы бынæтты. Ногиры 2-æм, Дзæуджыхъæуы 26-æм скъолаты æмæ гимназ «Диалог»-ы ахуырдзаутæ бабæрæг кодтой музей, къазарматæ, ацахуыстой хæринæгтæй, сæхиуыл абарстой бронежилеттæ æмæ каскæтæ, стæй байхъуыстой цымыдисаг концертмæ. Мадзал бацæттæ кодтой ведомствæйы акци «Лæгдзинады къуыри» æххæстгæнгæйæ. Кæронбæттæны се *ппæт дæр сæвæрдтой дидинджытæ, йæ хæстæ æххæстгæнгæйæ чи фæмард, уыдоны цыртдзæвæны цур.