Не мзæххон, тæссаг уавæры æвæстиатæй æрæвæрдта æфсæддон госпитæль æмæ баххуыс кодта цæф адæмы æдас бынатмæ ракæнынæн
Уæрæсейы хъахъхъæнынады министрады радзырдтой, медицинон службæйы дæлбулкъон Махъоты Хазби Украинæйы сæрмагонд операцийы рæстæг цы сгуыхтдзинад равдыста, уый тыххæй. Не мзæххон, тæссаг уавæры æвæстиатæй æрæвæрдта æфсæддон госпитæль æмæ баххуыс кодта цæф адæмы æдас бынатмæ ракæнынæн. Ведомствæйы хъусынгæнинагмæ гæсгæ, карз тохы Махъоты Хазби бахауд артиллерийон æхстыты æмæ фæцæф ис. Йæхимæ куы æрцыдис, уæд акаст йæ алывар æмæ уавæрæн скодта раст аргъ. Госпитæлы цы цæфтæ уыдис, уыдоны æвæстиатæй ракодта бæстыхайы пъадвалмæ æмæ сæ уый фæрцы аирвæзын кодта. Æдæппæтæй æфсæддон операцийы райдианæй, медицинон батальон Махъоты Хазбийы разамындæй æдас ранмæ ракодта иу мин æфсæддоны. Уыдонæн сæ фылдæр сдзæбæх сты, æмæ ныртæккæ ногæй сты рæнхъы. Æфсæддон архайды рæстæг дæлбулкъон Махъоты Хазби фыццаг медицинон æххуыс бакодта сæдæ дыууын хæстонæн. Йæ сæрæн æмæ дæсны архайды фæрцы æфсæддонтæ фервæзтысты.
