Афтæмæй алыхуызон программæтæм гæсгæ цæттæ кæндзысты паддзахадон кусджыты.
Уæрæсейы Хицауады цур финансон университет фæнд кæны нæ республикæимæ æмгуыстад кæнын. Афтæмæй алыхуызон программæтæм гæсгæ цæттæ кæндзысты паддзахадон кусджыты. Уый тыххæй премьер-министримæ фембæлды фехъусын кодта уæлдæр ахуыргæнæндоны проректор регионалон рæзты фæдыл Наталья Юдина. Ныхас кодтой, дыууæ рдыгæй дæр пайда чи хæсдзæн, ахæм контракттыл. Фембæлды архайдта университеты дзæуджыхъæуккаг филиалы директор Уырымты Зæирæ. Уæвгæ, финансон университет у нæ бæстæйы рагондæр ахуыргæнæндæттæй иу. Цæттæ кæны экономистты, математикты, информацион технологиты специалистты, финансистты, политологты. Дзæуджыхъæуккаг филиал хаст æрцыд цыппар хуыздæр филиалы хыгъдмæ. Республикæйы хицауады сæрдар куыд загъта, афтæмæй ахсджиаг у фæлтæрдджын кадртæ цæттæ кæнын, Цæгат Ирыстоны финансон къабазæн.
