Фыццаг хатт сиддонты кар фæфылдæр кодтой 30 азы онг
Уæрæсейы райдыдта æфсадмæ сидыны уалдзыгон кампани. Фыццаг хатт сиддонты кар фæфылдæр кодтой 30 азы онг. Бæстæйы президенты указмæ гæсгæ, сиддонты нымæц ацы аз у 150 мин адæймаджы. Куыд ивгъуыд азы, афтæ ныр дæр географи у уæрæх. Фæсивæд службæ кæнынмæ ацæудзысты куыд Цæгат Кавказы æфсæддон хæйттæм, афтæ Уæрæсейы Центрон хайы регионтæм, Сыбырмæ, Дард Скæсæнмæ. Сиддонты æрвитын райдайдзысты 15-æм апрелæй фæстæмæ. Æфсæддон службæйы æмгъуыд раздæрау у 12 мæйы. Æппæт информаци базонæн ис хъахъхъæнынады министрады официалон сайты. 16-æм апрелы кусын райдайдзæн комкоммæ лини æмæ специалисттæ дзуæппытæ ратдзысты æппæт фæрстытæн. Сæрмагонд операцийы зонæмæ, Донбассы æмæ Луганскы адæмон республикæтæм, Запорожьейы æмæ Херсоны облæсттæм сиддонтæ æрвыст нæ цæудзысты, фæнысан кодтой ведомствæйы.