Боны фæткмæ гæсгæ бабæрæг кодта сывæллæтты реабилитацион центр Тæмискъ, Дзæуджыхъæуы 39-æм скъола стæй Цæгат Ирыстоны педагогон колледж
Уæрæсейы рухстауынады министры хæдивæг Андрей Корнеев кусæг балцы ссыд Цæгат Ирыстонмæ. Боны фæткмæ гæсгæ бабæрæг кодта сывæллæтты реабилитацион центр Тæмискъ, Дзæуджыхъæуы 39-æм скъола стæй Цæгат Ирыстоны педагогон колледж. Ацы аз уый фыццаг бынат бацахста астæуккаг сæрмагонд ахуыргæнæндæтты хсæн абитурентты нымæцмæ гæсгæ. Андрей Корнеевæн радзырдтой алы куысты хуызы тыххæй, стæй ахуырады методты тыххæй дæр. Ныртæккæ колледжты куыстмæ республикæйы разамынды рдыгæй цæуы бæстон цæстдард. Ууыл ныхас цыд педагогон кусджыты августы æрвылазон æмбырды. Хуынд æм æрцыд Цæгат Ирыстоны сæргълæууæг Сергей Меняйло. Ныхас цыд ивгъуыд азы куысты хатдзæгтыл æмæ ахуырады системæйы рæзтыл.
